مینا تک بیر اووج قان

گول کیمی هر کیم کی، گولزار ایچره نقد جانی وار،

سعی‌یله تؤکسون سنین یولونا تا ایمکانی وار

تا آیاغین تورپاغینا تؤکمه‌سین دوتماز قرار،

هر کیمین مجلیس‌ده مینا تک بیر اووج قانی وار

نه عجب عاشیق‌لری گر باشدان آچسون نازیله،

کاکیلی مشگین کیمی هر کیم کی، سرگردانی وار

ائیله ییبدور نقطه‌ی خالین منی پرکار سیز،

یوقسا دریا اوزره هر بیر قطره‌نین دورانی وار

گزدیررلر ال به ال داغین کؤنول‌لر پاره‌سی،

یئرده قالماز جام تک هر کیم کی، ایستی قانی وار

پوچدی هر سؤز کی، دئیرلر معرفت‌دن اهلی قال،

بحردن چیخماز صدف تا گؤوهری غلطانی وار

چوخ دگیل حئیرت یئری گر وارسا شیرین سؤزلری،

طوطی‌نی صائیب، نظرده گوزگی تک میدانی وار

شاعر: صائب تبریزی