نیسگیللی شعرلر (یونس کریمی)

غملی شعرلر

بنده نین آی دی سی

aayyddd58@

 

+ نوشته شده در  ۱۳۹۸/۱۱/۲۵ساعت ۷:۲۶ ب.ظ  توسط یونس کریمی  | 

کانال علوم پنجم ابتدایی و کانال فارسی پنجم ابتدایی

این دوکانال برای دانش آموزان پنجم ابتدایی ایجاد شده اند.

بصورت سوال و جواب از متن درس.از فعالیتها .از آزمایشهای داخل کتاب برای درس علوم. و معانی لغات داخل درس .معانی اشعار.آرایه های ادبی و نکات دستوری و هم خانواده ها و متضادها 'آنهم در حد و حدود یک دانش آموز پنحم ابتدایی. این دو کانال برعکس کتابهای آموزشی که گیج کننده هستند و مطالب مقاطع بالاتر را به خورد دانش آموزان ما میدهند و هدفی جز کسب درامد ندارندو عملا هیچ ارزش علمی ندارند ، این دو کانال بنده تمام نیازهای آنها را برآورده میسازد و میتوانند با تسلط به مطالب این دو کانال به سوالهای استاندارد که منبع آنها فقط کتاب باشد به راحتی جواب دهند مثل سوالات قلمچی

تمام سوالات فقط و فقط از داخل کتاب میباشد. به بهترین شیوه و روش

 

farsi1387@

 olum1387@

 

t.me/farsi1387

 

t.me/olum1387


برچسب‌ها: t, me, farsi1387, olum1387
+ نوشته شده در  ۱۳۹۸/۰۳/۰۶ساعت ۱:۴۶ ق.ظ  توسط یونس کریمی  | 

بو دونیانین یوخدو کاری

 

ایچی دولو یاخچی لیخ سان

چایدا اوزن بیر بالیخ سان

                        اوز گئت دریالارا  ساری

                        بو دونیانین یوخدو کاری

 

دونیانی دؤرت اللی توتما

انسانلیغی اوجوز ساتما

حارامی حالالا قاتما

عؤمرون اولدو آخی یاری!!!

بو دونیانین یوخدو کاری

 

                        تئز _ گئج اؤلوم یئتیشه جک

                        او دونیاوا  دوز توخوم  اک

                        اول فرشته ، اول بیر ملک

                        مظلوما ، ظولم ائتمه باری!!!

                        بو دونیانین یوخدو کاری

 

قلبون حسرتلرله دولو

ایری یولدان سئچ دوز یولو

گؤیدن یاغسا دا ، داش _ دولو

اوز گئت دریالارا ساری

بو دونیانین یوخدو کاری

 

یونس کریمی

 

+ نوشته شده در  ۱۳۹۳/۰۷/۱۵ساعت ۱۰:۴۱ ب.ظ  توسط یونس کریمی  | 

الویدا ای قوجا تبریز الویدا

 

الویدا ای قوجا تبریز الویدا

 الویدا ای

دولاندیغیم

گزدیگیم

و

اوشاخلیغیمی ایتیردیگیم کوچه لر !!!

الویدا ،

 

الویدا ای

آجی _ شیرین خاطره لریمله دوپ دولو شهر!!!

 الویدا.

 

+ نوشته شده در  ۱۳۹۳/۰۷/۰۲ساعت ۹:۸ ب.ظ  توسط یونس کریمی  | 

دولاندیم    دیدۀ   ترلن   بوتون    دونیانی   مهری  جان!

 

 دولاندیم   دیدۀ ترلن   بوتون   دونیانی  مهری  جان!

سنی  تک  گؤرمدیم  امّا  گؤزه ل  جانانی  مهری جان!

 

سنیلن  باغلایان   پیمان  قیریلماز  تا  جانیم   واردیر

مگر قیرسین   "اجل   دستی"  بئله  پیمانی مهری جان!

 

سر کویونده  اؤلسم  ده  ملامت  ائیله مه  جانا!

یولوندا  سهل  و آساندیر وئرم  بو جانی  مهری جان!

 

بهشتین  وعده سین  سن سیز  منه  گر خالقیم  وئرسه

نه  حاجت ، نئینیرم  من  روضۀ  رضوانی  مهری جان!

 

گلیبدیر  زاره ، هیجروندن  منیم  دیوانه  بو کؤنلوم

گئجه – گوندوز فغان ائیلیر کی مهری هانی؟ مهری جان!

 

محبّت  باده  سیندن  تؤک  دویونجا ،  تشنه یم   تشنه

نوازش  ائیله  محتاجم   الون   قوربانی  مهری  جان!

 

سراب  زندگانیمده   منیم   فریادیمه    چاتدین

بَیَندون   یونسی  ؛ بیر سینه سی  سوزانی ؛ مهری جان!

 

یونس کریمی

بو شعری تمام وجودومونان تقدیم ائله ییرم جانیمدان عزیز خانیمیما؛

سیده مهری ائشیمه، گئجه لریمین آیینا،گوندوزلریمین گونشینه، بوتون

وارلیغیمین دلیلینه

 

 

+ نوشته شده در  ۱۳۹۳/۰۶/۰۲ساعت ۱۱:۱۶ ب.ظ  توسط یونس کریمی  | 

بیلمیرم منیم کؤنلومون  قوشو     

 

بیلمیرم منیم کؤنلومون  قوشو     

اوچماق ایسته میر  یا کی بالی یوخ

یا قفس  سیخیب  قلبینی اونون     

لال اولوب  نه دن  قیل و قالی یوخ؟؟؟

 

هانسی   ظالیمین   قامچیسین  یئییب   

هانسی   ناکسین   اللری  اونو

تاپدامیش بئله ،  سوسدوروب  بوجور 

دورماق ایسته میر  شور و حالی یوخ

 

کیم  نه دن سالیب   زیندانا  اونو  

لئش کیمین   سورور هریانا اونو

بوغدولار یامان آل قانا اونو  

نئینه ییم   تکم   بیر  وفالی  یوخ

 

بیلمیرم  نه لر  گلدی  باشووه   

آی منیم   یازیق  پاسلانان  گولوم!!!

بیلمیرم   گوناهون  نه دور سنون  

دار آغاجیندان  آسلانان  گولوم!!!

 

دور آیاغا  قالخ  سؤیله  دردینی   

یاتما، اویما  ، دور،  قورو  کندینی

قیرگینان   جسارتله   بندینی   

غمده   قویلانان   یاسلانان   گولوم­!!!

 

یونس کریمی

+ نوشته شده در  ۱۳۹۳/۰۶/۰۲ساعت ۱۰:۵۸ ب.ظ  توسط یونس کریمی  | 

بیر داملا  گؤز یاشی کیمی

 

بیر داملا  گؤز یاشی کیمی

گؤزلرونده  دوغولایدیم

 آخایدیم  یاناقلاروندان 

دوداغوندا  داغیلایدیم

 

                      بیر داملا  گؤز یاشی  کیمی

                      گؤزلروندن  سوزولَه یدیم

                      یاناغونون  اوستونده شِئح

                      مونجوغو تک  اَزیله یدیم

 

بیر داملا گؤز یاشی کیمی

گؤزلرونده  دورولایدیم

سئوگیله_حسرتله  اَنیب

بوغازونا   ساریلایدیم

 

                      بیر  داملا  گؤز  یاشی کیمی

                      گؤزلرونده  دوغولایدیم

                      بیر داملا  گؤز  یاشی  کیمی

                      گؤزلرونده  بوغولایدیم

 

 یونس کریمی

+ نوشته شده در  ۱۳۹۳/۰۳/۰۳ساعت ۱۲:۲۸ ق.ظ  توسط یونس کریمی  | 

بولودلاردان  ایلهام  آلان  گؤزلریم!

 

بولودلاردان  ایلهام  آلان  گؤزلریم!

گؤل تک  دولوب  هی  بوشالان  گؤزلریم!

سونوندا   تک - تنها   قالان  گؤزلریم!

سنله  نَه لَر  یاشامیشام   دونیادا!!!

 

                دنیز - دنیز  دالغالانان  گؤزلریم!

                انتظاردان  سؤنوب – یانان  گؤزلریم!

                هر  یالانی  دوز  اینانان  گؤزلریم!

                سنله  نه لر  یاشامیشام  دونیادا!!!

 

خیالیمین  پنجره سی  سن  اولدون

اؤره گیمین  بیر  لال  سسی  سن  اولدون

بو  عؤمرومون  کور هوسی  سن  اولدون

سنله  نه لر یاشامیشام  دونیادا!!!

  

           کؤنول قانین ایچیب–قوسان  سن اولدون

           من سوچ سوزو  داردان آسان سن اولدون

           هم سِئوینن  هم ده  کوسَن  سن اولدون

           سنله  نه لر  یاشامیشام  دونیادا!!!

  

گاه  آغلادیق - گاهدا  گولدوک  برابر

گاه  سئویندیک - گاه  اوزولدوک  برابر

هارالاردان  بورا  گلدیک  برابر

سنله  نه لر  یاشامیشام  دونیادا!!!

 

                                           یونس کریمی

سوچ:گناه   دالغا:موج

+ نوشته شده در  ۱۳۹۳/۰۳/۰۲ساعت ۱۱:۹ ب.ظ  توسط یونس کریمی  | 

مزاریم  اوستونَه  گلمَه  بیر داها

 

مزاریم  اوستونَه  گلمَه  بیر داها

یانوندا  اولارکن  آز  اینجیت می سن؟؟

توُخونما  قبریمین  داشینا  بئله

باری!  قوُی  بورادا  راحات  اویوم من

 

الوندَه ن  اوچان  قوش  بیر داها  دؤنمَه ز

اوخشویوب  سیزلاما ، آغیت  سؤیلَه مَه

آچیلماز  اوزونه  بو داش  قاپیم  دای

گؤزووون  یاشلارین  بوشا  اَله مَه

 

قفسدَه ن  بیر سارای  تیکمیشدین  مَنَهَ

کؤنلومون  قوشونو  سالمیشدین  تورا

سیخمیشدون  جانیمی  قیزیل  قفسدَه

قلبیمین  حیسسی نی  چکمیشدین  دارا

 

دیری کَن  قدریمی  بیلمَه دین  ،  ایندی

چیرپیرسان  باشووو  قَبیر  داشیما ؟ !!!

ابدی  یوخویا   گِئدَه ن   دورانمَز

دونیانین  تُورپاغین  تؤکسؤن  باشونا

 

یونس کریمی

 

+ نوشته شده در  ۱۳۹۳/۰۳/۰۲ساعت ۱۰:۵۴ ب.ظ  توسط یونس کریمی  | 

قووزاندی   گؤیلره   هاراییم  منیم

 

قووزاندی   گؤیلره   هاراییم  منیم

ییخیلدی  قورولان  ساراییم  منیم

چاتمادی   او  یارا    آخ _ واییم   منیم

آلا گؤز   یاریمی   کیملر   آپاردی !!!!!


                    بو  سَسیم ، سَسینه  چاتا بیلمه دی

                    اللریم   الینی   توتا   بیلمه دی

                    هی!!!!! گؤزلریم  اونسوز  یاتا بیلمه دی

                    آلا گؤز   یاریمی   کیملر   آپاردی !!!!!

 

دویونجا   بویونو   گؤره نمدیم   هئچ

یانیندا   بو  عؤمرو   سوره نمدیم   هئچ

یولیندا   جانیمی   وئره نمدیم   هئچ

آلا گؤز   یاریمی   کیملر   آپاردی !!!!!



                   دویونجا   قاداسین   آلا  بیلمه دیم

                   گؤزیندن   حسرتی   سیله   بیلمه دیم

                   آختاردیم ،  یئرینی   بیله   بیلمه دیم!!!!!

                   آلاگؤز   یاریمی   کیملر   آپاردی !!!!!



سیزی    آند   وئریرم   عئشقه  -  سئوگی یَه

آیریلیق   دردیندن   اؤلن   لیلی یه

سیزی   آند  وئریرم   بو  یئره  -  گؤیه

آلا گؤز    یاریمی   کیملر   آپاردی !!!!!

 

 

یونس کریمی

+ نوشته شده در  ۱۳۹۳/۰۲/۲۷ساعت ۷:۱ ب.ظ  توسط یونس کریمی  | 

بیرگون  یووامیزی  ییخیب  گئدرسن

 

بیرگون  یووامیزی  ییخیب  گئدرسن

باغریما  بیر قورشون  سیخیب  گئدرسن               گلوله

بو شَهَردن  من سیز  چیخیب  گئدرسن

فیکرون  یانیمدا  قالاجاقدیر  آمما

 

                               سنی  ساخلاماقا  گوجوم  چاتماسا

                               بو  یورقون  گؤزلریم  سن سیز  یاتماسا

                               اللریم   الووی   هئچ"ده   توتماسا

                               آه  –  نالام   سنی   توتاجاق   آمما

 

عشقووون   اگر  کؤزو"ده  سؤنسه

اوره گون  بیر  پارچا   داشا "دا   دؤنسه

اؤزگه سی   سنون  باشووا   دؤنسه

من کیمی  سنی  سئومه یه جک   آمما

 

                               قلبیمدن   آدونو   بیر گون   سیلَه جَم

نپسندیدنم را                بَه یَه نمَدیگونو    بیر گون   بیلَه جَم

                               ییخیلسام"دا  دوروب  بیرگون گوله جم

                               مندن سونرا  اوزون گولمَه یَه جَک  آمما

یونس کریمی

+ نوشته شده در  ۱۳۹۳/۰۲/۲۷ساعت ۶:۵۱ ب.ظ  توسط یونس کریمی  | 

دلیر  غم  باغریمئ  یا  رب!گئنه  یاردان  خبر  یوخدور


دلیر  غم  باغریمئ  یا  رب!گئنه  یاردان  خبر  یوخدور

قارانلیق  تار و  ظولمانی  گئجه مده  اول  قمر  یوخدور

 

قا لیبد یر   گؤزلریم    یولدا   خدایا!   اول  گواهیم  سن

چکیر  مین   آه   کؤنلوم   لیک   آهیمده   کسر  یوخدور

 

یاغیر  باران   حسرت زا    کویر  سینه مه    هر  گون

نه دن   بو  غملی   کؤنلومده   وصالیندن  اثر  یوخدور؟

 

گؤزه ل   اول   دلبریم   مثل    کبوتر  اوچدو   بامیمدن

دئدیم: گئتمه  قاییت ، دؤن گل، منیچین بال و پر یوخدور

 

نه دن   اول   دلبریم   یاخدئ   دل  مجروحیمی   گئتدی

نه دن  تیره  شبیم   گئتمیر؟ نه دن   نور سحر یوخدور؟

 

فلکده    اویناییر  منلن ،  نه   ایستیر   بیلمیرم   ظالیم

اؤره ک  قان  ائتمگیچین  مندن آیرئ کس مگریوخدور؟

 

خوش اول ای دلبرزیبا! سنی  خوش  گؤرمک آرزیمدیر

دالینجا  گؤزیاشئ   توکمم   داهئ   چونکو  ثمر یوخدور

 

بؤیوک  بیرفخرونعمت دیر کی  عشقه باش اییب  یونس

غمینن ده    دؤزر   آخر   اونا    آیرئ    هنر   یوخدور


یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی
+ نوشته شده در  ۱۳۹۲/۱۱/۱۷ساعت ۷:۳۹ ب.ظ  توسط یونس کریمی  | 

ییرمی ایکی بهمن گونو


ییرمی ایکی بهمن گونو

خمینی نین گلن گونو

اوزوموزون گولن گونو

موبارک اولسون میللته


                             ملعون شاهین گئدن گونو

                              آیدینلیغین  یئتن گونو

                              قارانلیغین اؤتن گونو

                              موبارک اولسون میللته


ییخدیق استبدادین کاخین

ائتدیک اورک لره آخین

قالدیردیق اسلام بایراغین

موبارک اولسون میللته


یونس کریمی

این شعر در سالگشت پیروزی حق علیه باطل ، پیروزی خون بر شمشیر در سال92بهمن ماه سروده شده



برچسب‌ها: شعر ترکی 22بهمن, یونس کریمی, فرارشاه ملعون, بازگشت امام امت به وطن
+ نوشته شده در  ۱۳۹۲/۱۱/۱۵ساعت ۹:۱۸ ب.ظ  توسط یونس کریمی  | 

عؤمرومون  یولو  چنلی- دومانلی



عؤمرومون  یولو  چنلی- دومانلی

گئده  بیلمرم  بو چنلی  یولو

یاشاماق  منه  چوخدان  حارامدئ

غمله  یاشادیم  حیاتیم  دولو

  

                     عؤمرومون یولون قار- بوران آلدئ            

                     اللریم  دوندو آیاق  یورولدو

                     ساچلار  آغاردئ  اوره گیم  اؤلدو

                     درد- کدر توتوب  ساغیلا- سولو

 

هر گئجه  ایشیم ، آهدئ- فغاندئ

حسرتدن  باغریم  بیر  پارچا  قاندئ

سارالیب - سولدوم ، یازیم  خزاندئ

سولدیرار  خزان  یاندیرار  گولو

  

                     بو  عؤمور  یولو  کیم  دئییر دوزدو؟!

                     دؤنیملرینده  چوخلارین  ازدی

                     آلدئ  جانلارین  یان- یانا  دوزدو

                     آخ! بو یولون  کاش  سینسین  ال- قولو

 

عؤمور  یولونون  سون باشئ  قیشدئ

انیشی  آزدئ  چوخو  یوخوشدو

فلک  هاخلادئ  گلدی  یئتیشدی             

فلکین  گرک  بوکولسون  بئلی         

باغلانسین  اونون  گلدیگی  یولو

                                                     

یونس کریمی




برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی
+ نوشته شده در  ۱۳۹۲/۱۱/۱۵ساعت ۱:۵۱ ق.ظ  توسط یونس کریمی  | 

 عؤمرومون   گولشنی   بیهوده   خزان  اولدو  نیه؟

 

عؤمرومون   گولشنی   بیهوده  خزان  اولدو  نیه؟

چاره سیز  دردلریمین   سیرری  عیان  اولدو  نیه؟

 

قلبیم  هئچ  گولمه دی  عشقینده   بو دنیاده ،  ولی

بو   قرا  گؤزلریمین    یاشی   روان   اولدو  نیه؟

 

دیلیمین  ازبری   مین   جور  و  جفا   ائتدی  منه

او  شیرین  سؤزلری  فیکریمده  گومان اولدو نیه؟

 

گؤرمه دیم هئچ یوخوسون بیرکره عؤمرومده  بئله

او  گؤزه ل   قاشی   کمان   قاتل  جان  اولدو نیه؟

 

آلدئ    مندن   گونومو  ظولمته    تاپشیردئ  منی

گونیدی    گونلریمه    ایندی   نهان   اولدو   نیه؟

 

بخته ور  بختیمه   باخ  می ده  حرام  اولدو  بیزه

بوتون  عاشیقلر ایچیردی  بیزه ،  مان اولدو نیه؟

 

تاپاجاقسان  گئنه  یونس !  گئجه وین  اولدوزونو

دئمه  هئچ   بیرکسه  سن  دل  نیگران  اولدو نیه

 

مان:ممنوع،قدغن

یونس کریمی



برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی
+ نوشته شده در  ۱۳۹۲/۱۱/۱۵ساعت ۱۲:۵۷ ق.ظ  توسط یونس کریمی  | 

طعمه   ائتمیش   خالینی   زولف  چلیپاسئن   تله


طعمه   ائتمیش   خالینی   زولف  چلیپاسئن   تله                      

تا کئ  توتسون  کؤنلومو  سالسئن   جهانه  ولوله

گؤزده  اول  دام  بلادن ای  یازئخ  کؤنلوم  منیم!

دوشمه اول توستاقینه چوخ تئزدی، ارکندی هله


                                    ای کؤنول! گیرمه پری طلعت لرین دنیاسینه

                                    اویما آلدانما  اوزو گؤیچک  لرین  سئوداسینه

 

 بیرده قورخوم  گؤزلریندن دی ائده جادو منی                                

 باغلایا    زنجیرعشقه    ائیله یه   بد خو  منی

ائیله یه   مجنونه  تای    چوللرده    آواره  اسیر

 اوخلایا   آهو مثالی  ،  اول   کمان ابرو  منی

 

                                   ای کؤنول!گیرمه پری طلعت لرین دونیاسینه

                                   اویما  آلدانما اوزو گؤیچک لرین  سئوداسینه

 

گؤرمه ییب عالمده بیرکس،خوب رولردن وفا

چکدیریبدیربولبول شیدایه بیر  گول  مین  جفا

یئتمه ییبدیر   وصلت    لیلایه    قیس   دردمند

سنده   یاخما   کندینی  عشقه- اودا - ای  بینوا!


                                    ای کؤنول! گیرمه پری طلعت لرین دنیاسینه

                                    اویما آلدانما  اوزو گؤیچک لرین  سئوداسینه

 

قورخورام ای دل! سنی زار و  پریشان ائیله یه

باغلایاندان  سونرا  عشقه  قصد  هجران ائیله یه

سؤیله یه  گل!گل! دالئمجان  ائیله یه عاشق سنی

اؤلدوره  رحم  ائتمه دن  قانونده  غلتان ائیله یه


                                     ای کؤنول! گیرمه پری طلعت لرین دنیاسینه

                                     اویما آلدانما  اوزو گؤیچک لرین سئوداسینه

 

سؤیله:یونس!کؤنلونه  زار و پریشان اولماسئن

هر دلارا  عشقینه   بیهوده   قربان   اولماسئن

عشقی باشه چاتدئران تکجه وفا دئر،تک وفا

خال وخط افسانه دیر، بد نام دوران اولماسئن


                                     ای کؤنول! گیرمه پری طلعت لرین دنیاسینه      

                                     اویما آلدانما  اوزو گؤیچک لرین سئوداسینه    


توستاق:زندان

ارکن:تئز

کندین:اؤزون،خودت

یونس کریمی

 


برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی
+ نوشته شده در  ۱۳۹۲/۱۱/۱۵ساعت ۱۲:۲۰ ق.ظ  توسط یونس کریمی  | 

ای کی! کؤنلوم  قان  اولوب هیجرینده، اولدوم یار! گل!


ای کی!  کؤنلوم  قان  اولوب  هیجرونده، اولدوم یار! گل!

نور  چشمیم   سؤندو   لوطف   ائت ،  عالم   انوار! گل!

 

آیریلیق     دردی     یاخیر    آتش     مثالی     جانیمی

بو  نه اود  دیر کئ  سالیب سان  جانیمه ، قورتار،  گل!

 

نه گئجه م   گوندوز  اولور  نه  گؤزلریم   بیرجه  اویور

دل    پریشان    یارینی    آل   غم   الیندن    یار !   گل

 

سئوگیلیم !   عشقون   منی   رسوای   عالم   ائیله ییب

بیر   ترحّم   ائیله     جانا !     قیلگینان    ایثار    گل !

 

دوشموشم   مجنون   تک    لیلا !   دالینجان    چوللره

سن ده  اول  اؤز  یارووه ،  مجنونووه  ،  غمخوار  گل!

 

درد   بی   درمانیمین    درمانئ سان   سن    ای  پری!

قالماییب    تابیم  -   توانیم  ،  اولموشام    بیمار   گل!

 

گئچدی   اول   فصل   خزان   یئتدی   بهارین   موسمی

تک جه  سن   قالدون   گولوم !  ای  لالۀ گولزار !  گل!

 

نقد     جانیمدیر    بهای     وصل     اول     جانانیمین

سؤیله   یونس  !   عشقیلن   ای   رونق   بازار !   گل

 

یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی
+ نوشته شده در  ۱۳۹۲/۱۱/۱۴ساعت ۱۱:۱۹ ب.ظ  توسط یونس کریمی  | 

سوووشور  بو عؤمور سوووشور ایللر


سوووشور  بو عؤمور سوووشور ایللر

گؤزلریم  آرخادان  حسرتله  باخیر

چیرپینیر  بو  اوره ک  تیتره ییر  اللر

کدرلی  گؤزومدن  نه  یاشلار  آخیر!!!

 

                   خیالیمین  داغین  دومانلار  آلدئ

                   یام- یاشیل  آرزیلار  سولدو  سارالدئ

                   او گؤزه ل  گونلریم هایاندا  قالدئ

                   یادیما  دوشدوکجه  جانیمئ  یاخیر

  

بورویوب  دویقومو  زامانین  توزو

یاندیریب  باغریمئ  حسرتین  کؤزو

کور اولوب  شانسیمین - بختیمین  گؤزو

ایلدیریم تک  غملر گؤیسومه  شاخیر

  

                   اؤزوم تک  آغلاییر  الیمده  قلم

                    دردیمی  کیمسه یه  دئیه  بیلمیرم

                    باغریمدا  قالانیب  داغ  کیمی بیرغم

                    اریییر  یاغینی  جانئما  یاخیر


یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی
+ نوشته شده در  ۱۳۹۲/۱۱/۱۲ساعت ۳:۲ ب.ظ  توسط یونس کریمی  | 

دردیمی  آنلاتماغا  وئرمه دی  فورصت  منه


دردیمی  آنلاتماغا  وئرمه دی  فورصت  منه

سوس دئدی،هئچ  سؤیله مه، ائتمه اذیّت منه

 

ایسته دیم هر لحظه من صحبت ائدم قویمادئ

ائتمه دی   حتی  نظر،  بیر کره   دقت   منه

 

وئرمیشیدی وصلینین  وعده سینی بیر زامان

اولدو   رقیبیمله  بیر ،  قالمادئ  قیمت   منه

 

اولدو  منیم  حاصیلیم   درد  و غم  جانگداز 

مسکن  اولوبدور کنون ، گوشۀ  خلوت  منه

 

یاخدئ منی شام کیمی ،یاندئم اونون عشقینه

قالدئ   اونون   حسرتی   دیلده   نهایت  منه

 

چکدیم اونون جورونو،قهرینی عؤمروم بویو

ظالم  او  غدّار  پری   اولمادئ  قیسمت  منه

 

هرکسی  قلبن  سئویب  ائیله دیم عادت  اونا

سوندا  وفاسئز چئخئب   قالدئ  مشقت  منه

 

قوربان اولوم شانسیما،قوربان اولوم بختیمه

ذرّه جه  یار  اولمادئ   مرغ   سعادت   منه

 

یونسم  عاشق لیگیم  دیللره  دستان  اولوب

خالق  یکتا !  اؤزون   ائیله   عینایت   منه


شام:شمع

یونس کریمی



برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی
+ نوشته شده در  ۱۳۹۲/۱۱/۱۱ساعت ۱۰:۲۶ ب.ظ  توسط یونس کریمی  | 

ائتدی  محراب   قاشئندا   مسکن   و  مأوا   کؤنول


ائتدی  محراب   قاشیندا   مسکن   و  مأوا   کؤنول

دوشدو  اول  یارین  زنخدان  چاهینه  اعما  کؤنول

 

ترک   جانین   ائیله دی  جانانه    مایل  اولجاغین

باغ   رخسارینده   اولدو   بولبول    شیدا    کؤنول

 

گؤرمه دی   دریای  عشقین   جوشش    امواجینی

سالدئ  کندین  بحر عشقه  ائتمه دی   پروا  کؤنول

  

یاندئ   نار عشقیده  بیچاره  بیر  گون  گؤرمه دی

اولدو  تیره  روزگاری   بیلمه دی   اصلا   کؤنول

  

ساندئ   آساندیر  طریق  عشقیده   سیر ائیله مک

سانمادئ  مولک  وجودین عشق  ائلر یغما  کؤنول

  

کافر  اولموش   زولف   یاره  باغلادئ  ایمانینی

اولدو  دین  و  مذهبیندن   اولمادئ   دانا   کؤنول

  

سالدئ    زنجیر   جنونئ    بوینونا   دیوانه  وار

اولدو  آخرده  جهان  ایچره  یامان  رسوا  کؤنول

  

یونسا!  چون  تابع  فرمان  عقل  اولمور  نه غم

تا  قیامت  دردیلن   قالسئن  گرک   تنها   کؤنول


اعمی : کور

سانمادی: خیال ائله مه دی

یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی نیسگیللی شعرلر
+ نوشته شده در  ۱۳۹۲/۱۱/۱۰ساعت ۱:۱۵ ق.ظ  توسط یونس کریمی  | 

اوره ک- اوره ک  دولارام


اوره ک- اوره ک  دولارام

چیچک  کیمی  سولارام

سس سیز- سس سیزآغلارام

دردیمی  بیلمه یه سن

  

گیزلی-گیزلی یانارام

                            کؤزه ره رم   سؤنرم

                            اللرونده  دونارام

                            دردیمی  بیلمه یه سن

 

یارپاق- یارپاق  تؤکوللم

واراق- واراق  بوکوللم

دومان  اولوب   چکیللم

دردیمی  بیلمه یه سن

  

                           قاناد چکیب اوچارام

                           دیار- دیار کؤچرم

                           گؤز یاشئمئ  ایچرم

                           دردیمی بیلمه یه سن

 

سندن اوزاق  قالارام

گوله- گوله آغلارام

گئدیب سن سیز اؤلرم 

دردیمی بیلمه یه سن

                             یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه یونس کریمی
+ نوشته شده در  ۱۳۹۲/۱۰/۲۴ساعت ۵:۰ ب.ظ  توسط یونس کریمی  | 

قبریمین داشئنئن اوستونده  یازئن:


قبریمین داشئنئن اوستونده  یازئن:

وطن سیز بیراوغول، وطن سیز بالا

یازئن کئ : بو یئرده بیر غریب یاتئب

بورونوب تورپاغا کفن سیز بالا

  

                       یازئن کئ :آرزئ سئ  گؤزونده قالدئ

                       گؤرمه دی بیرکره  دوغما یوردونو

                       اوره گی چئرپئندئ وطن عئشقینه

                       کیمسه یه  دئمه دی  کؤنول دردینی

  

قبریمین  داشئنئن  اوستونده   بیرده:

بیر جاوان  شکلینی  چکین،   الینده

وطن   بایراغئنئ    دالغالاندئرئر

یوکسه لدیر گؤیلره غربت ائلینده

 

یوکسه لتمک:قووزاماق

 یونس کریمی  


 این شعر را تقدیم آن شهدایی میکنم که در جنگ نابرابر حق علیه رژیم باطل بعثی و جنایتکار که بعد از به اسارت در آمدن در عراق زیر شکنجه جانیان و جلادان صدام اسراییلی جان به جان آفرین تسلیم کردند

روحشان شاد باد (شعر از زبان یک شهید گمنام مدفون در عراق)  


برچسب‌ها: شعر شهید و, تورکو بیر شعر شهیدلره گؤره این شعر تقدیم به تمام ش
+ نوشته شده در  ۱۳۹۲/۱۰/۱۵ساعت ۱۱:۵۹ ب.ظ  توسط یونس کریمی  | 

منی  بیگانه  سانیردون  ،  سنون   عشقونده   یانئردیم


منی  بیگانه  سانیردون  ،  سنون   عشقونده   یانئردیم

نه یانیردیم !! کول  اولوردوم  کؤزه ریردیم  تالانیردیم

 

اوره گیم   سؤزله   دولویدو  ایسته ییردیم  دئیه م ، امّا

دیلیم   آغزئمدا    قوروردو    اوتانیب     دالدالانیردیم

  

سنی هر لحظه    گؤرنده   گؤزومون  یاشین   الیردیم

بیر اوشاق تک  کئف  ائلیردیم  نه دئییردین  اینانیردیم

  

نه  قدر   نازونی   چکدیم   نه   قدر   بوینومو  بوکدوم

منه   دیوانه  دئییردین   بونلارئ   من   نه   قانیردیم؟!

  

سنه  ای   سئوگیلی   جانان !  ائله  من  عاشیقیدیم  کی

قاراقوش  تک   باشون   اوسته   دائما  هی  دولانیردیم   

  

گوندوز  اوغروندا   یانار کن   سارالیردیم  بوزاریردیم    

گئجه    رؤیامه     گیرنده    دیکسینیردیم     اویانیردیم

 

سورویوردون ،  سورونوردوم ، اؤزومو  گاه ایتیریردیم

بو قوماردا   اودوزوردوم    فیکر  ائلیردیم    قازانیردیم  

 

قاراقوش: پرستو

 یونس کریمی



برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۱۰/۱۵ساعت ۱۱:۲۳ ب.ظ  توسط یونس کریمی  | 

گؤستر ای  گول !  اوزونو   بولبول   نالانه  گئنه


گؤستر ای  گول !  اوزونو   بولبول   نالانه  گئنه

گلگینن    نازیله    جانا !   بو   گولوستانه    گئنه

 

عاشیقم    جان  و  کؤنولدن   سن   دیوانه یه  من

گل   قوراق   عشقیمیزه   خانه   و  کاشانه   گئنه

 

گؤستر  ای   ماه   منوّر !  رخ   پنهانووی    سن

تا  گؤزوم    بیرده  ساتاشسئن   مه   تابانه   گئنه

 

گل  کناریمده   اوتور  کؤنلومو  آل   شوره  گتیر

من   ووروم   شانه  او  گیسوی   پریشانه   گئنه

 

نه  قدر گیزله ده جکسن  گؤزه لیم! گول اوزونو؟

قالدئم   حسرت ده ،دولوب  خانۀ  دل  قانه  گئنه

 

گؤزلریم یولدا قالئب رنگ روخوم  دای سارالئب

گل   دولانیم   باشووا  ،  عشقیله ،  مستانه  گئنه

 

نه اولور؟ گل! سنی  تانرئ  منیم  امدادیمه چات

یونسی   یاخما   گولوم !  آتش   هیجرانه    گئنه


یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۰۹/۲۳ساعت ۱۱:۱۴ ب.ظ  توسط یونس کریمی  | 

گؤز  یاشلارئم  قوروماز  

 

گؤز  یاشلارئم  قوروماز 

طالع  منه  یاراماز

آیلار-  ایللر یئریمز

سندن  آیرئ  دوشرسم 

 

                                             یازئم  پایئزا  دؤنر

                                             سئوگیمین  کؤزو  سؤنر

                                             هیجران  گولر  سئوینر

                                             سندن  آیرئ  دوشرسم

  

بولودلارئ  غم   باسار

اؤتن  بولبوللر  سوسار

گؤیدن   اولدوزلار  کوسر

سندن  آیرئ   دوشرسم

  

                                            زامان  منی  داغلایار

                                            عؤمروم  گونلری  سایار

                                            حسرت  جانئما  قئیار

                                            سندن  آیرئ  دوشرسم

 

اؤتن : اوخویان   سوسار:ساکت اولار   جانا قئیماق:جانئ آلماق

یاراماز: فایدالئ اولماز،فایداسئز

یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۰۹/۲۳ساعت ۱۱:۱ ب.ظ  توسط یونس کریمی  | 

یاغئرئ  غم  یاغئشئ  نملی  گؤزومدن  بو  گئجه



یاغئرئ   غم   یاغئشئ    یاشلئ   گؤزومدن  بو  گئجه

قورتولوش   یوخدو   الیندن   نئینه ییم   من  بو  گئجه

 

یالنئزام   ،   یوخدو    یانئمدا    او   وفا سئز    یارئم

اونو  شیرین  یوخو   بوغموش  منیده   چن  بو  گئجه

 

سئزلایئر   منله    برابر    سینه ده    مرغ     کؤنول

چئرپئنئر  تا   چئخا    نیسگیللی    قفسدن    بو  گئجه

 

بو قارانلئق   گئجه نین   رنگینی  هئچ   خوشلا مئرام

چون   سالئر  یادیمه   اؤز بختیمی ،  بیردن   بوگئجه

 

بلکه  یارسئن  گئجه نین  قارنئنئ ، گون  تئزچئخسئن

ائلیرم     شکوه    سمایه    من    الیندن    بو  گئجه

 

قورخورام  گؤرمه دن  اول صوبحو، اوآیدئن سحری

بوغولام    بحر غم  ایچره   قویلانام   من  بو  گئجه

 

تؤکمه  گؤزیاشینئ   یونس ! ائله مه   باغرووو   قان


باغلا  غم  سوفراسئنئ  ، یوم  گؤزونو  سن  بو گئجه

 

یالنئز:تک-تنها       چن:دومان،مه

یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۰۹/۲۳ساعت ۶:۲۶ ب.ظ  توسط یونس کریمی  | 

وصف    جمالونده     گلیب   عالمی     حیران   ائلرم


وصف    جمالونده     گلیب   عالمی     حیران   ائلرم

بیر  کره   گؤرمگه    سنی    جانیمی   قوربان   ائلرم

  

باخما   بئله   رام   اولوب   صبر  و  قرارئن   کانئیام

بیر  گون  اگر  اولمایاسان   یئر -  گؤیو  ویران  ائلرم

  

سن کی  ووروبسان  یارالار  قلبیمه  آی قانلئ  باخئش!

من  نئجه   سن سیز  گؤزه لیم!  دردیمی  درمان  ائلرم

  

سن  او  طراوتلی   باغئن   قرمزئ   خندان  گولو سن

من   سارئلئقدان    اوزومو    شرمیله    پنهان    ائلرم

  

یونسم     عشقه     سرورم     یار   یولوندا     پرپرم

پیشمه میش  عاشیقلری  من  ،  عشق  یولوندان   ائلرم


یونس کریمی



برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۰۹/۲۰ساعت ۱۰:۵۳ ب.ظ  توسط یونس کریمی  | 

یاندئردئ  انتظار،  قوووردو  منی



یاندئردئ    انتظار ،   قوووردو   منی

یوللارا   باخماقدان   گؤزوم   یورولدو

کول ائتدی  ،  گؤیلره  سوووردو  منی

باغرئمدا  آلوووم   _ کؤزوم  یورولدو

 

                              اکیلدیم  بو یئرده ،  بیر سؤیود  کیمی

                              آلدئم    قوجاغئما   کدری   -   غمی

                              یئره    قویانمادئم    من   بو  یوکومو

                              توکندی   طاقتیم  ،  دیزیم    یورولدو

  

کاروان - کاروان آرزئ ایچیمده اؤلدو

آیاقلار     آلتئندا     اومیدیم     قالدئ

آیرئلئق   خنجری   باغرئمئ    بؤلدو

بو  هیجران  یولوندا  ایزیم   یورولدو

  

                             آجئغئم    دای    گلیر   دؤزومدن    منیم

                             کؤچوبدور    چیچکلر   یازئمدان    منیم

                             کوسوب خوش ماهنئ لار سازئمدان منیم

                             حزین   چالمالاردان   سازئم    یورولدو

  

بیلمَه دیم   بو درده   هئچ  نئجه   دؤزدوم

گؤزومون   یاشلارئن   بیر ساپا  دوزدوم

آغئت لار   سؤیله دیم    شئعیرلر  یازدئم

قورودو   قلمیم   ،    سؤزوم     یورولدو

                                                                           یونس کریمی

آغئت:مرثیه  


برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۰۹/۲۰ساعت ۱۰:۳۴ ب.ظ  توسط یونس کریمی  | 

سالدئ  بنده  کؤنلومو  زولف  پریشانئن   سنین


سالدئ  بنده  کؤنلومو  زولف  پریشانون   سنون

ائتدی  دیوانه   منی   اول   ماه   تابانون  سنون

  

آلدئ   زولف   کافرون  مندن   صنم!   ایمانئمئ

سانکئ  ای جنّت  پریسی!  یوخدو ایمانون سنون

  

خنجر   ابرولروندن    قورخورام    قانیم    تؤکه

قتلیمه  فرمان  وئره  اول  چشم  شیطانون  سنون

  

یاخدئ  شمع  جانیمی  ذوب  ائتدی  عشقین آتشی

گل! ترحّم قئل کئ یاندئم ، یانماسئن جانون سنون

  

اولموشام  ای لاله رخ! من  حوسن رویون مایلی

سولماسئن هئچ  بیرزامان باغ وگولستانون سنون

  

یونسم   عشقونده   هردم   سؤیلرم   دونیایه  من:

کاش اولایدئم دلبریم! بیرگون ده  قوربانون سنون


یونس کریمی



برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۰۹/۱۹ساعت ۱۱:۵۶ ب.ظ  توسط یونس کریمی  | 

دوشموشم  دیلدن   نظردن  اولموشام   بیگانه  من

 

دوشموشم  دیلدن   نظردن  اولموشام  بیگانه  من

هر  گئجه  -  گوندوز   غموندن   آغلئرام   دیوانه من

 

بیلمه دیم آخر  نَه دَن  گئتدون  منی ترک  ائیله دون

ای وفا سئز! دای  وورولمام  سن کیمی  جانانه من

 

قارَه  گؤزلوم!!!  قانَه  دؤندردون منیم  گؤز  یاشیمی

گئت  ستم  بسدیر  داهئ گلدیم  الوندن  جانه  من

 

ای  پری!  پروانه تک  سن ده   یانار سان  بیر زامان

ایندی  گول  بوحالیمه  چون  اولموشام   پروانه  من

 

گز    دولان    اغیاریلن   وور    طعنه لر   جانا !  هله

بی مروّت ! دای اینانمام  سن  کیمی  شیطانه  من

 

حیف  یونس عؤمرونو  بوم _ بوش  هدر ائتدی،دئدی :

 تئز   آیئلدئم    شکر   قئللام   درگه    رحمانه   من


یونس کریمی


برچسب‌ها: اشعار ترکی, تورکو شعرلر, غملی شعرلر, عکس عاشقانه
+ نوشته شده در  ۱۳۹۲/۰۹/۱۹ساعت ۱۱:۱۶ ب.ظ  توسط یونس کریمی  | 

مطالب قدیمی‌تر