قورتوم ،قورتوم سن سیزلیگی

چکدیم باشا،کار اولمادی

سل لریوه ،دامجی اولدوم

تکجه حسرتین سولمادی

***

آ_خان چوپان،آ_خان پاشام

آی سحری آچان پاشام

گل گور،نه گونده قالمیشام

هچ سن سیز،هچ نه ،اولمادی

***

گل کوکیوی ،سوکوب قوتار

"تل"گتیر،"آغ" بیرچک آپار

دای بو چاشیلمیش دا ،نه وار؟؟؟؟

بس صبیر داشین ،دولمادی؟؟؟؟؟

کوک:ریشه

سوک:کندن

فاطمه رحیمی1400/2/31

بو منم

بومنم،یار گوروشونن سورا حسرت ده قالان
اوکی گیزلین اوپوشون دردینه اودلاردا یانان
بومنم روسوا قادنلارکیمی عشقینله دولان
سنی من گیزلی سئویم ،یاباشیما چاره قیلیم؟

قوللارین یاسدیغیم اولسا،من اولونجه یاشارام
اؤ لچوسوز سئوگی ده دوللام،خیالیندان داشارام
بیراوشاق تک شوقی دان،در دووار اوستدن آشارام
دی منیم سن یاکی یوخ،سویله کی تکلیفی بیلیم!

بولونوب دیر ئوره گیم دار کوچه لرده ،تیکه سی
طالهیم اوردا خوش اولدو،چیخمادی بیرجه سسی
سئوگیلیم سن یاشامین وارلیغی سان هم نفسی
بوننان آرتیخ گل ایزین وئرمه کی سن سیز ازیلیم
بوننان آرتیخ گل ایزین وئرمه کی سن سیز ازیلیم

هیجله

سنی سوروشاجام،آخار سولاردان
گل ده یاشات منده،او دویغولاری
آلیشدیر سئوگی نی،گری دون منه
اولونجه بسلییک ،عهدی ایلقاری

آقاجلاردا بیزه حسرت له باخدی
سولارهارای هارای داشلارا آخدی
سئوگی دن سؤز دانیش دئمه بئواخدی
گل وازگچک بوگون قورخونو،عاری

اولمیا آیریلیق توش گله بیردن
گل کی کبینله شک،دئمه صبیردن
آخی سنسیزلیکدن قورخورام بیردن
گل قوش اولوب قوناخ هیجله یه ساری
گل قوش اولوب قوناخ هیجله یه ساری

۹۵/۳/۱

گل

یاشیرام سنینله خیالیمدامن
منی سن سیزلیگه ایناندیرما،گل

یاساق سئوگی اودوندا گیزلنمیشم
بیراخیب حسرته ،اوتانویرما گل

قورخوسوز آسلانیب ،ئورک یولوندا
منی بوزلوباخیشلا،یاندیرما گل

شوبهه سبز بسلیرم ،سنی ایچیمده
بوتون قازانجی می تالاندیرما،گل

داواملی گوزلورم،هرساهات یولون
داها قیسمت سوزویله،قاندیرما گل

دولانیم بویووا،سارماشیق کیمین
حسرتی باشیما ،دولادریما گل

خاطیره

نه تئز خاطیره یه دؤندو ،سئوگی میز
منه ایتحاف ائدن،گوللر یاد اولدو
بارماغیما ایلک گون،تاخدیغین ئوزوک
ایندی الماس قاشی ،عقیقه سولدو

سنله خیالیمدا،حایات قورموشدوم
سنه دلی کی یوخ،خسته اولموشدوم
سسین گلمین گون،اینان اولموشدوم
دنیزتک سئوگی میز شورانلیق اولدو

منجه گل آیریلاق ،حورمتله ایندی
دوام إئتمك اینان داها چتیندی
منه اینانمادین،بودا یقین دی
باشدان چیخارداریق،بویاخشی یولدو
باشدان چیخارداریق،بو یاخشی یولدو

همن سن

سیزی تانییرام،سیزی..همن سن!
همن مؤمین کی کافر اولدو منله
همن کال دردیغیم حسرت خیالی
همن کی من دئدیم سن ،سن دئدین من!

یادیندا هؤردوگون جننت یادیندا؟
گونون ایلک اولادی،حسرت،یادیندا؟
بیزی آیری سالان غفلت یادیندا؟؟؟
نه پیس چالدی بیزه،یازغی ازلدن!

دولانماز باشیما ،دونیا دولانماز
سونن کوز،هی چالیشسان،بیرده یانماز
ماراق دا دوغدوغو عشقی،تاپانماز
اینان دای سئوگی میز دوشدو نظردن
اینان دای سئوگی میز دوشدو نظردن

دیدرگین

قابار ووروب ،دیدرگین دی یوللاریم
گوزوم سنی ،بیربیرینه تاپشیریر
خبرگلیب اینجییبسن الیمنن
حوزونده ایتمیشم،غم دولاشدیریر

شنلیک ائدیب گیزله دیرم طالهی
آمما زامان ،هی یاراما ساشدیریر
ماهنا آختاریرام قؤپوز چالماغا
ماهنی دا آختاریر،درد آراشدیریر

من آنادان دوغما بئله دییلدیم
تک لیگ اینان،بینیمی ده چاشدیریر
سئوگیه بنده یم،عاییب سانیللار
یابانجی سوزلری،خالق یاراشدیریر

دیلغم

پارچالاندی هی کؤنول،دای قالمادی قارشیندا گؤز

باخما چیلغین ترپنیر،اؤندا نه جان قالدی نه سؤز

بیر یاواش سس گلدی پایلاشما اؤنو ،دردینله دؤز

قؤنما تؤز ،تؤرپاق کیمی،چیرپار سنی سءودا بودور

باخما اسدیم تیتره دیم یالنیز سؤؤوخ دور سؤیله دیم

بیر اوشا تک قؤرخودان سءودا قاپیندان دؤیمه دیم

چکدیگیم درده ندن سه بیر زامانلار اؤلمه دیم

نعشه لندیرمیر چاخیر سانکی قدح لرده سودور

باخما هی کؤسدون باریشدون،باخما سیندیردون منی

چؤخ دوشوندوم سءوگی نی ،هیجرینده چالدیم دیلغمی

سن زهیرلی اؤخلا ووردون هر زامانلار کؤلگه می

گاه سؤزون سؤیلور گؤزوم،گاهدا پشیمانلیر اودور

****

بیر یول منه گوستر،قوجالیم سنله برابر
لای لای چالانیم یوخموش اگر،اولکه می گوندر

منن نه سوروش کندیمی،نه کوهنه دیلیمنن
ایللردی جوشور،گیزله دیرم ،اصلیمی پادر

کوفر اولدو مگر سویله دیگیم تورکو حزینلر
توهمتلرینن مین کره اودلاندی بو پیکر

ای سازهاواسی چال منی گیزلین کوله دوندوم
میضرابلارا جان وئر ،جان الیمنن گئدیر آخر

اؤز ساچلاریمی،بوینوما سوچسوز دار ائدرکن
چوخ تئز قانیلیر،قودرتینن،باشقا چتین لر

اولسون بئله قالماز،سئچیلر آی دا بولوتدان
تانریم منه لوطفن،اونودان یوردومو قایتار

******

دؤز بیر نئچه ساعت دلی حاجاته گلیبدیر
پوزقون حالینان ،سنله موناجاته گلیبدیر

یوللار یورولوب،یا کی ایزیم اولدو اثرسیز
قالدیر قدحی،یئل قیزی سوغاته گلیبدیر

آختارماغا گتدیکجه ،یتیملشدی نیشانیم
تول باخماقا،بوزگیلله شیکایاته گلیبدیر

تا دستاماز آلدیم اوخویام آیه ی عشقی
دویدوم کی ناقیللاردا موجازاته گلیبدیر

یللرده سویود ساچلارینا گول داراق اولدو
یالنیز داش اولان باش،کی موکافاته گلیبدیر

چاتداتدی رحیمی کدرین باغرینی بیردن
سن سیز،نجه یئر گوی تپه ،ظولماته گلیبدیر

******
کوک سیز آلاق اولدوم،کی بو دونیاده یاراندیم
سوسموش سس اولاننان سورا،دیلللرده دولاندیم

اویناتدی منی ،تاکی بو خیلقت آداچاتسین
عیصیان هاواسی،قان دولوسویدیم کی جالاندیم

بومن دییلم فلسفه می کیم دوشونوبدور
ایجبار اوزونه ،دونیا الی نن یاخالاندیم

هرصفحه ی تاریخه سوروشدوم ندی حیکمت
اولدوم بیر اویونجاق کیمی،باطیللره قاندیم

اوز کولگه مه ده شوبهه ائدرسم نیه گلدیم؟
غیر از بویالانلار کی هالایلیر نه ایناندیم

سوزلرده بوغولدوم دیه سن باش تاپانیم یوخ
تعبیری بو اولدو کی هچ اولدوم،هچه یاندیم

*****
یئله یالواریرام ،کوینگیوی چالسین آپارسین
بیرماهنی دئسین،شوهرتی دونیانی قوپارسین

بس دیر داها آخشام کیمی ایبهاملا دانیشماق
گل قوی کی گونش ،بیز ده ایتیب،رنگی بوزارسین

قوربانلیقین آخیر هیجاسی،بیسمیلیم اول سن
من بیرجور اولوم ،سئوگی میزین آندی آغارسین

گل تا اریه ک ،شه کیمی گوللر اتگینده
گیزلین گوروشو ،روحوموزون گونلو باشارسین

تندیسی وی چکسینلر اگر،تورپاغ اولوم من
وورسون یاغیش آرامشینن عشقی سووارسین

تیکدیم گولونن ،چارداغ ایچینده سنه هیجله
اویرتدیم اوزوملر،سنه خاطیرسه قیزارسین

******

سه نمونه از اشعار فارسیم

عشقبازی
دختر رقاص و وصلت با شب بی عاطفه
دست بغرنجی گلوی بغض را پیچیده بود

بوسه های درد بر اندیشه ی پژمرده اش
ضرب ناقوس و شکست شیشه را رقصیده بود

جذر لذت،مد سرگردانی صدها سوال
او ز بدو بودنش بر گور خود خندیده بود

دختر رقاص و قاضی،جرم حکاکی شده
شیوه ای از سنت این صحنه هارا دیده بود

باستان سرزمینش،داستان زندگی
تخمه ی هرز عبث بر دامنش روییده بود

شاعری بازی کنان ،علامه ای نجوا کنان
دخترک در لابه لای دفترش خشکیده بود

******

بر دار هوس حلقه زده بود و نبودم
چون بنده ی حج رفته ،به آیین که بودم

تا خشت دلم بر زده شد با ورقی نو
با عکس رخی دل شدم و تلخ سرودم

در محکمه ی ثانیه ها حکم چه هستم
روحی که ترک خورده ی مضراب وجودم

ریگم که شدم عادت کفش گنهم را...
یا جلد تباهی که مرا ثبت نمودم

از فال نگه خواند مرا کولی تنهاا
در غربت دستش چه صمیمانه غنودم

ویرانه ام اما اثری نیست ز گنجی
سرشانه شب را ز سحر نقد ربودم

*******

fatimaaa:
اندوه در اسطوره ی مردی رها،جا مانده است
باهر نگاهش خواهشی ،در گوش نجوا مانده است

ماسیده سوگی برتنم،از التهاب غربتی
یک رکعتی از حرف دل در خانه تنها مانده است

از چه حکایت سرکنم ،در کور سوی بی کسی
در باورم پرچین روحی ،رو به رویا مانده است

سرشارم از فریادها،سرگشته از نبض زمان
مفتون عشقم لیک دستی در تمنا مانده است

تشعییع شد بر شانه هایم،نقش بودای تنی
از شرجی یادش به حسم ،ورد آمما مانده است

نقش خیالش نابتر از اعتصاب یاسها
سالی و قرنی شرقی نامش به فردا مانده است

من سوسدوم.

من سوسدوم...سن اوخو...

گوزلریمده کی کهنه ل میش،کتیبه لردن

کی بیر آندا،قوروموش بیر خزه له بنزه دیم،

نجه کی یل اسنده،قوجاقلار دولوسو احتیاجلارینان ،اویناماقا باشلاییب

ونیسکیللیک لر بوغازیندا،بوران کیمی بورونوب،مین کره یوکسلیب،ییخیلیب

وگوزلرینده یاشاماق ایستییب

من سوسدوم،سن سوروش،اویوللاردان کی منیم هارایلاریما قولاق اولدو،

اوچان فیکریمه قانات وباخیشلاریما مسکن

********
من اولدوم ،سن اولدون ،می اولدو پناهیم
شافاق سیز باتان گونلر اولدو گوواهیم
سن اول ساقی و توک او نی دن کی سیلسین
منیم دامنیم نن ،ندن سیز گوناهیم

ساواشماخ بو دونیاده منن یار اولدو
هارا گتدیم عرصه،زمانه دار اولدو
چکیلدی نجه طرح ماتم اوزومده
قاراگیدی بختیم ،جاوانلیق عار اولدو

سن اول ساقی و وور کی می لر جالانسین
دییللر کونول طایفاسی پارچالانسین
عقیل عالمین نعشه سینن دا بئزدیم
گه بیر ایش گورک چرخه ،کامه دولانسین

خطا ائتدی آدم و تحقیری مننن
آجی طعم می اولدو تقصیری مننن
سن اول ساقی و توک او می دن داریخما
سیتیخ آیناتک غملی تفسیری مننن

بیر آز شوکران قات کی پیمانه دولسون
نه ساقی نه زیندان نه زیندان بان اولسون
اگر منده باطلاق کیمی سس سیز اولسام
نه فرقی بوتون گوللرین رنگی سولسون

******
سویوخ بیر یئل اسدی،نفس باطیل اولدو
زامان بوزلادی،لحظه لر غافیل اولدو
اوزاتدیم الی،اولدوزوم قاچدی مننن
بولوت لو گونومننن ،کدر حاصیل اولدو

دئدیم کال هوس دی سنه عاشیق اولماخ
او جادو گوزون دریاسیندا بوغولماخ
سنی قیرمیزی آلماتک ایله سم ده
اولونجه ایشیم آه و زاره توخولماخ

نجور آتشی گیزلدیبسن خالیندا
منی اولدوروب یاندیریرسان یانیندا
قیامت قوپاردی وفا ساخلاسایدین
منیم فیکرو ذیکریم سنین احوالیندا

خوش اول سنده یوخ معریفتدن نیشانه
سنین محنتینن ئوره ک دوندو قانه
سوروشمام سنی دای قارالمیش گونومنن
منه اولدوز اولدون ،آیا آشیانه

******

بیر قادین
گیزلنیب یاشیلدان قوروموش آخ وای لار آلتیندا...
هر باخیشلا آسلاییر گوزگولر بوینوننان
اتکلر دولوسو
لذتلی سوچلاری
ایضطیرابلی بالیغلاردان جان آلان کیمی
یاراشیقلی کوک سوز سو زانباقی
نازلانا نازلانا،آخیر چایلار اوزونده
یاشلی توپلانمیش ایستکلری
بیری بیریله ساواشدیرماقا باشلاییب
اوقورسوز بیرقادین
دیرسیز پارلیان رنگی لر گوجویله
توزاقلار قورماغا چالیشیر
بلکی ده یول آختاریر قاچماق ایچین
کشکه یالان اوپوشلر یرینه
دوشونسیدی آیریق ساواشماخلارین کدرلی سازین
کشکه یاندیرسیدی پشمانلیق بونیانین
ایرفاقلارلا....
اوقورسوز بیر قادین.....

کورپو

سازی دیندیردین آما،آیری هاوادایدی او گون/کش زامان کورپولر اوستونده دایانسایدی او گون

قوناق اولدوم سنه من،سن آدی باتمیش دیلگه/کش آیازلار یرینه،گون گینه دوغسایدی اوگون

دوشونوردوم سنی گیزلتمگه چی سوز دالینا/کش هزین سوزلرینه ماهنیدا یانسایدی اوگون

گولو وردیم سنه من سن گله جک محنتینه/کشکه گوللر سنین عطریندن اوتانسایدی اوگون

ووجودومدا ایکی اولماخ اوره گی آرزیلادیم/دلی لر دونیاسینی سوگی ده قانسایدی او گون

گجه نی گونلومونن سنله ساواشدیخ ایکیمیز/آیریلیق قوللاری کاش کورپوده سینسایدی او گون

دالغا

دالغا ووردو تارو پود بوزلیان گوللر ساز اولدو

من یاخینناخدیخجا سنده اشتیاق عومری آز اولدو

اللریم وردیم سنه شیرازه روحوملا بیرلیک

دالغا گتدی تک بوراخدون قالدی داشلا دمساز اولدو

***

تؤک اوزومون فلاکتین قدحه
توک کی بیرلشسین فلاکتیم اونونلا بیرلیکده
پایلاشماخ اولارمی،بیلمم!
هرشی کی محبت یاراتدی آرامیزدا
دونیالاریمین آرخاسیندا،مین کره ایزلرینی ایزله ییب
سارماشیقلارکیمی داشدان یارانان ئوره گه دولانیب
وخیاللار ایچینده یوکسه لن منیم پاییم
کوله چئویرنن سورا
گوزلرینی یوموب
یولونو آییریب
سئوگی ماهنی لارین ،یللره تاپشیران
سنین پایین...
منیم پاییم ،سنین پایین
اولسون
گل وازگچک نعشه لیک لر ایچینده،پایلاشماغیمیزی
ئوره ک چیرپینتی سینان،بیرلشدیره ک دامارداکی قانلاریمیزی
توک اوزومون فلاکتین قدحه
توت اللریمنن
گور نجه ئوره گیمین دیل سیز،آغیزسیز قیزلاری
دلی لر کیمی اویناماقا چالیشیرلار...

چاره سیزلیگ

باخ دنیز ،ساحیل قیزینان قول بویون اولدو یاقیش

یل ایزی وار پیکرینده داش قوما اود ،وور آلیش

اینجیییب داشما،قابارلار وورما تاختدان دوشموش اولما

چاره یوخ ،یوم گوزلرون ،اوت غیرتون بیرده باریش

*****
یالواریرام ساهات،بیرآز یاواش گئت
قویما توکنسین یاشامین ماهنی سی
من بو ساهات دوستلارا باغلانمیشام
دوست نه دئمک ،تانری لارین یاخشی سی

بوش قدحی ،گوز یاشینان ایچمیشیک
آزجا بوگون ،دردلری وازگچمیشیک
سانکی بوگون ترسه یولو ،گئتمیشیک
یالواریرام ساهات ،بیرآز یاواش گئت

باخما گونوزدور،آیازیم وار بوگون
اولکه مین اوغلیلا،سازیم وار بوگون
تئل هاواسیننان آرازیم وار بوگون
یالواریرام ساهات بیرآز یاواش گئت

سیغمایاجاق،سوز کاغاذا،چوخ آغیر
سانکی بوگون گوی بیزه شنلیک یاغیر
اولسم اگر نعشه لیگیمده ،چاغیر
یالواریرام ساهات بیرآز یاواش گئت

حله لیک

fatimaaa:
سن گون آیدین دئدین،من دیه ممدیم
دوشونمدن منه،غم یاشادیبسان
یاندیرا،یاندیرا کوله چئویردین
وئردیگین سالاما کوز می قاتیبسان؟

دئدین گدیرم من،آمما هله لیک..‌
دئدیم حله لیک یوخ،گئت هممشه لیک
گئت کی باشدان اوچسون،حزین نعشه لیک
روسوالیخ ایپیندن،چوخدان آسیبسان

بلکه ده حاخلیدین منی دانماخدا
منی بیر یابانجی،آلچاق سانماخدا
هوچولار ایچینده ،تورکجه یانماخدا
سانکی قبریمی بوش سوزله قازیبسان
سانکی قبریمی بوش سوزله قازیبسان

موجازات

گجه نین نبضی نی تا صوبحه کیمین،من ساییرام

قیشیمین یارپاغینی یاز عوضینده بویورام

گیدیریللر زورولا،اگنیمه سوسماخ کفنی

آپاریللار چکه لر دار موکافاته منی

نه بو ویرانه منیمدیر نه بوکوچه نه بو شهر

هاردا گولسم گودورو سوچلاییری حاکم دهر

منی بدنام الیین اولدو ایکی ریشته تلیم

کشکه سینسایدی بودهرین بلی سیندیردی بلیم

نیه حسرت له باخیم تای توشومون گولمه گینه

اوتوروم شاهید اولوم گونلریمین اولمه گینه

بو یاشاییش،نه دمک،باتلاق ایچینده باتیرام

حییف عومروم کی اوجوز اوز گه سوزویله ساتیرام

بلکه هچ یوخ اثری یورمییالیم دای اوزومو

من سوسوم سیزده باخین بوردا قوتاردیم سوزومو