سلطانیدر

اول پریوش کیم ملاحت ملکینین سلطانیدر

حکم اونون حکمیدر فرمان اونون فرمانیدر

سوردی مجنون نوبتین ایندی منم رسوای عشق

دوغری دئرلر هر زمان بیر عاشقین دورانیدر

لحظه لحظه گونلوم اودوندان شررلردر چخان

قطره قطره گوز توکن سانمیش سرشگیم قانیدر

چاکلر جسمیمده تیغ عشقیدن عیب ائتمه یوز

کیم جنون گلزارینین بونلار گلی خندانیدر

ای فضولی اولدی کیم رحم ائده یار افغانینا؟

آغلا زار آنجاق کیم زار آغلاماق امکانیدر

شاعر: محمد فضولی