جفا سنه

ای بیوفا که عادت اولوبدر جفا سنه

باالله جفادرـ اولما دئمک بی وفا سنه

گهه ناز و گهه کرشمه و شیوه در ایشین

جانین سئوونلر اولماسا ای آشینا سنه

مین جان اولایدی کاش منی دل شکسته ده

تا هر بیریله بیر گز اولایدیم فدا سنه

عشقینده مبتلا لیقیمی عیب ائدن سانیر

کیم اولماق اختیار ائله در مبتلا سنه

ای دل که هجره دویمایپ ایستر سن اول مهی

شکر ائد بو حاله یوخسا گلربیر بلا سنه

ای گل غمیندن اشگ رخ زردیم ائتدی آل

بیلیردی اولا صورت حالیم صبا سنه

دوشمه ز چو شاه قرب فضولی گدالره

اول شاهیدن التفات نه نسبت منه، سنه

شاعر: حکیم محمد فضولی