ای گول!

ای گول، سنی آخر، بیلیرم اویره‌دن اولدو

سالدین منی هیجرانه، بو بیلمم، نه‌دن اولدو؟

دوزدوم نه قده ر زحمته، هر نازینی چکدیم

کونلوم غمی عشقینله اسیرِ محن اولدو

سن بویله وفاسیزدا دئییل‌دین، بیلیرم من

ظنیم‌جه، سنی بو ایشه تحریک ائدن اولدو

رسوای جهان ائیله دین آخر منی، گئتدین

ایندی منه بیگانه گلیب طعنه‌زن اولدو

بیر واخت پیشیمان اولاجاقسان بو عمل‌دن

سندن بو ایشین، بلکه حسابین چکه‌ن اولدو

گزدین، گوزلیم، غیرایله، من دردینی چکدیم

گلدی نه بلا باشیما، بو غصه‌دن اولدو

واحید او گولون وصلینه بیگانه یئتیش‌دی

دردین چکه‌ن عالمده بیر آنجاق حسن اولدو

شاعیر: علی آقا واحد