بیرده نه سن

گؤزللر ایچره سن ای ماهپاره بیرد نه سن

گؤزل لرین گؤزو سن، زلفی قاره بیرد نه سن

گؤل اؤزلی نازلی صنم لر دوشر قدم لرینه

بو چشم مست ایله قیلسان اشاره بیرد نه سن

سن اولماسان منی هجران غمی هلاک ائیلر

شکسته کونلومه عالمده چاره بیرد نه سن

زمانه اهلینه مشهورسان گؤزل لیکده

بو سر گیزلی دگیل، آشکاره بیرد نه سن

او ذوقی دولت دنیایه وئرمه رم هردم

من فقیره ده قیلسان اشاره بیرد نه سن

گؤزل حیاتینی واحد فنایه صرف ائتمه

سنی زمانه یئتیرمز دوباره بیرد نه سن

شاعیر: علی آقا واحد