«جعفری»یم سؤز بحرینده اوزه رم
اینجی تاپیب «ساری تئل»ه دوزه رم
مضراب اولوب، تئل اوستونده گزرم
اهل ایسترم؛ سؤز قاندیرا، سؤز قانا
«ساری تئل»دسته سی؛ عاشیق توپلومو
حقّه ساری؛ اوندان سالدیم یولومو
اوستادیم «افشار»دی توتان قولومو
محبت سیز عینه مرم ـ آرتمارام
ساری تئلین حق ایلقارین آتمارام
ادامه مطلب...
«تبریز» وئریب «نظمی» تک استاد الیندن
ای غملی قضا داد ایله فریاد الیندن
***
استاد، نئجه استاد؟ یازان ماده ی تاریخ
آلمیش «ایکی یوز شاعر»ی ایفاد الیندن (۱)
ادامه مطلب...
بیر ایگید کی یاشاییشی ساده دی
یانان آشنایه هم ده یاده دی
انقلاب عاشقی تام آزاده دی
«تبریز» یاراشیقلی علیزاده دی
***
فرهنگی ایشلرده توتاندی الدن
دویماز یاخجی ایشدن، دوزگون عمل دن
فرهنگه یانیبدی روحو ازلدن
روحونو مست ائدن عِلوی باده دی
تبریز یاراشیقلی علیزاده دی
***
خیّرلر لوحونده باشدادیر آدی
بو یولدا وقف اولوب عمرو ـ هرزادی
روحوندا مولانین مروّت دادی
خیر ایشده اورک لی، قوچ اراده دی
تبریز یاراشیقلی علیزاده دی
ادامه مطلب...
مین اوچ یوز آلتی دا گلدی دونیایا
دوخسان دؤردونجو ایل قورتاردی؛ گئتدی
محبّت باغیندا سکسن سککیز ایل
سئوگی آهولارین اوتاردی؛ گئتدی
***
اورتا مکتبه دک کرماندا قالدی
دیپلم ـ دکتراسین تبریزدن آلدی
فرنگ ـ آفریقادا آرتدی؛ اوجالدی
علمین یاتارینا یاتاردی؛ گئتدی
ادامه مطلب...
قالخدی «طوفان» «غزّه»ده
آخدی آلقان غزّه ده
پنجه وئرمیش پنجه یه
کفر و ایمان غزّه ده
***
تاپدانیب یئتمیش بئش ایل
بیر عموردور؛ سؤز دئییل
طوفانا اولموش دلیل
ظلم و طغیان غزّه ده
ادامه مطلب...
«قاسم سلیمانی» عزت قازاندی
سنگرلری آلا ـ آلا گون به گون
ایلقار ائتدی علی (ع) مولاسی سایاق
مظلوم قصاصینی آلا گون به گون
***
«داعش»ین قارشیندا دوردو عینِ داغ
دئدی: (گرک بو قورقونو داغیداق)
«سوریّه» ده قوپدو قیرقین، داغِ داغ
امر اولوندو هر ائل ـ آلا گون به گون
***
حق سئور انسانین ایشی دؤیوشدو
سلیمانی چوخ جبهه ده دؤیوشدو
سنگردن سنگره جبهه دگیشدی
غصب اولموش یئرلری آلا گون به گون
برچسبها: قاسم سلیمانی, استاد افشار, ساری تئل, داعش
ادامه مطلب...
بیر های قالخیر وجدانیمدان ـ قانیمدان
قانیم جوشور دامار ـ دامار جانیمدان
جانیم الهام آلیر هئی وجدانیمدان
معلول کیمدی؟ دوزگون انسان یارانمیش
(نَفَختُ روحی)دن، بیر جان یارانمیش
***
انسانلیغا نشان نه بوی نه تن دی
تن روح اوچون یالنیز قورو وطن دی
وطنین حیاتی روحدان بیتن دی
دوشونجه دن کئچیر انسانلیق یولو
بونو قانان عزیز سانار معلولو
ادامه مطلب...
«شبستر»ین سولماز «گلشن راز»ی
«معجز»ین معجزی، برگ و بیاضی
«ناظر» شبسترین صون امتیازی
«شرفخانه» شرفلندی آدیندان
دویمادیق سؤزوندن دوزو ـ دادیندان
***
گؤزل «آذربایجان»، بیزیم افتخار
ارن لر یوردو دور دیار به دیار
ناظر ده «گونئی» ده یئنی «شهریار»
هم فقیه، هم ادیب، اولو «ملک پور»
عرفان ایشیغیندان دولو ملک پور
***
«طالبیّه» مدرسه سی، مکتبی
شهریارلا قوشا آلدی مطلبی
فقاهت، فلسفه، علمی ـ ادبی
استادلار ایچینده ضرب المثل دی
سؤزوده، اؤزو تک دولغون ـ گؤزل دی
برچسبها: ناظرشرفخانه ای, تبریز, وادی رحمت, افشار
ادامه مطلب...
حق وئریبدیر امتحان وجهی مقام، معلول لارا
حضرت ایوب(ع) تک قیل احترام معلول لارا
بورجلودور واللهی بالله بو نظام معلول لارا
حق خدمت اولماییبدیر چون تمام معلول لارا
فرض دیر منده ائدم عرض سلام معلول لارا
***
معلولون دائم عذاب ایچره یانیر روح و تنی
سولماسین بو گوللرین یارب مبارک گولشنی
چوخ چتین دیر اشتغال و ازدواج و مسکنی
سسله ییر امداده دائم ملت ایله میهنی
فرض دیر دولت قیلا خدمت مدام معلول لارا
ادامه مطلب...
(«اورمو»مون تشنه دوداقلاری دوشرکن یادینا
یاش دئمم؛ قان اله یر «تبریز»یمین دیده لری)
تبریزلی استاد «رضا افشار»
تهران ـ ۱۳۹۵/۰۳/۰۴
رضا افشار ـ بیت الله جعفری
قورودو «اورمو گؤلو»؛ اولدو «زلیخا» جگری
کاش وئره «روح الامین»، «یوسف مصر»ه خبری
بو گناه بیزده دی واللّهی طبیعتده دئگیل
حکیم الله آییریب دنیادا خیر ایله شری
هدره یوللاماییب بیر بئله آیات و کتاب
شردن آرتیق ائله ییب خیره دلالت بشری
برچسبها: اورمو, افشار, تبریز, گؤل
ادامه مطلب...
کیم ایدی ائلده بیر استاد نامی؟
آذربایجانه جانلا باشلا حامی
مقدّس روحونا حقّین سلامی
کیم ایدی عاشیقی؟ عارف له عامی
بؤیوک محمود صادقپور «شامی»
***
کیم ایدی اؤز دیلینده دوغرو اوستاد
بو دیل دن خاطره روحوندا فریاد
قلم چالماقدا بیر اوستاد قلمداد
«فضولی»لر ائدن قصده، قیامی
بؤیوک محمود صادقپور «شامی»
ادامه مطلب...
Horasan Türklerinden Nadide Bir Eser
Temsil ve Mesel
"Ata-Baba Sözleri, Horasan Türkçesinde"
Mehmet Ömer Kazancı
İnternet üstünden tanıştığım bir dostum vardır, Riza Efşarpur (Efşar). Tebrizlidir. 2009'dan bu yana, aralıklı olsa da, yazışıyoruz. Ara sıra Kardeşlik dergisi için gönderdiği kimi yazı ve şiirlerini hep seve seve yayımlıyoruz. Bana mesajlarını Osmanlı imlasıyla yazdığı için, ben de aynısıyla yanıt veriyorum. Son yazışmasında bir kitap göndermek istediğini bildirerek, kargo adresimi rica etmişti. Göndermiştim. Üç hafta sonra Türkmen Kardeşlik Ocağında elime İran-Meşhet şehrinden gönderilen bir zarf verdiklerinde, üstünde "Tebriz'den Riza Ovşar'ın isteğiyle" yazıldığını görünce durmadan açmıştım. İçinde, önceleri gözlerimi kamaştıran, daha sonraları gönlümü okşayan bir eser bulmuştum. "Temsil ve Mesel: Ata-Baba Sözleri, Horasan Türkçesinde", yazarının adı: İsmail Salaryan
ادامه مطلب...
نئچه گون بوندان اوّل «ساری تئل» ارکسترینین باشچیسی عزیز قارداشیم «رضا افشار» واسطه سیله، مقدّس مشهد شهریندن حؤرمتلی ادیب دوستوموز مهندس «اسماعیل سالاریان» حضرتلریندن «تمثیل و مثل» آدلی بیر فولکلور خزینه سی پای آلدیم. بو نئچه بیت شعری اسماعیل قارداشیمین مدنیّت و ادبیّات یولوندا چکدیکلری زحمتلره تقدیم ائدیرم:
کؤنول سرّیم نئجه گلسین بیانه؟
ادیب؛ «اسماعیلِ سالاریان»ه
«خراسان» دان ییغیب تورکجه مثل لر
قالیبدیر «اورمو»، «تبریز»له «میانه»
مگر «افشار» کیمی صاحب قلم لر
«ساری تئل»له قویا صون بو زیانه
نه قدری بوغچادا سؤزلر قالیبدیر
گرک دیلدن دیله چیخسین عیانه
جوان نسل ای قانی غیرتله قاینار
آییل خدمت قیل «آذربایجان»ه!
قوجا سالاریاندان درس آل ایندی
قلم الده قدم قویگیل میانه
غرض آخر دعا دیر جعفری دن:
وئره صحّت تاریم سالاریانه
پاسداشت یاد استاد شهریار در همایش ادبی «یاد استاد»
یین بزرگداشت استاد محمدحسین شهریار در آستانه روز ملی شعر و ادب فارسی در قالب همایش «یاد استاد» با حضور نمایندگان مجلس، بنیانگذاران انجمنهای ادبی و شاگردان استاد شهریار 26 شهریور در فرهنگسرای خاتم(ص) برگزار میشود.
ادامه مطلب...
تهراندا «دده شمشیر» آدینا کئچیریله جک قورولتای حقّینده آز ـ چوخ خبرلریم وار ایدی. همین گون مجازی عالمده گؤز دولاندیردیغیم حالدا تلطیف ائدیله جک آلتی عالیجنابین آدلاری گؤزومه دگدیکده اوچونو دؤنه ـ دؤنه «ساری تئل» ارکستری ترکیبینده گؤردوگوم اوچون؛ بؤیوک فخر دویاراق همین حسّیمی درحال قلمه آلدیم.
«بهاران» سالونونا گیردیکده استاد یدالله عوض پور خسته اولدوغوندان گله بیلمه دیگی اوچون یئرینه باشقا بیر عزیزیمیزی سئچدیکلرینی بیلدیگیم حالدا بیر بند ده او جناب اوچون یازدیم:
«ایران»، «ترکیه»دن، «آذربایجان»دان
«گرجستان»دان قوناق گلن عاشیقلار
خوش گلیبسیز؛ گؤزوم اوسته یئریز وار
ائل ایله آغلایب ـ گولن عاشیقلار
***
یازین گولن وقتی، ماراقلی تدبیر
روحونا مین رحمت آی «دده شمشیر»
سنی آلقیشلاییر؛ سنله سئوینیر
زمانه توزلارین سیلن عاشیقلار
بسله دی قوینوندا «کلبه جر» سنی
«قاراباغ» نیسگیلی اؤلدورر منی
(دور قورتار نیسگیل دن اسیر وطنی)
بونو دئییر سؤز وئریلن عاشیقلار
برچسبها: ساری تئل, دده شمشیر, تهران, تبریز
ادامه مطلب...