بویاتیماز بایاتی‌لار

عزیزینم قار، قالار
ساوالان‌دا قار، قالار
بولبول کؤچوب باغ‌لاردان
یئرین آلیب قارقالار

□□□

آشیغام درنده گول
گؤزله وئرنده گول
مردی گؤرنده آغلا
نامردی گؤرنده گول

□□□

عزیزینم بوشقابا
هئیوانی دوز بوشقابا
یوخسولو کیم یوخلایار
قاشیق دَیمز بوش قابا
ادامه نوشته
+ نوشته شده در سه شنبه ۱۹ اردیبهشت ۱۳۹۱ ساعت 20:32 توسط سید رضا بنی‌فاطمه (داغلی)  | 

کیم‌لره اؤلک

زامان باغی کیمی‌سینه،
ایلان تاغی کیمی‌سینه،
وئریر آغی کیمی‌سینه،
آغی ایچن‌لره اؤلک.

□□□

بیرینه حیله، پیلله‌کان،
یالانینا آچیر دوکان،
بیری ده کی بیچیر تیکان،
تیکان بیچن‌لره اؤلک.

□□□

بیری قالیر قارغا کیمی،
یول یئریییر یورغا کیمی،
بیری کؤچور قورغا کیمی،
یانیب کؤچن‌لره اؤلک.
داغلی
+ نوشته شده در چهارشنبه ۱۳ اردیبهشت ۱۳۹۱ ساعت 19:20 توسط سید رضا بنی‌فاطمه (داغلی)  | 

خییام‌دان چئویرمه‌لر - ۲

این بحر وجود آمده بیرون زنهفت؛
کس نیست که این گوهر تحقیق بسفت.
هر کس سخنی از سر سودا گفتند؛
زآن روی که هست، کس نمی‌داند گفت.

□□□

 یوخدان اوزه وارلیق دنیزی آخیب گلیب؛
کیم‌دیر آراماقدا بونو کی اینجی ده‌لیب.
هر کیم ده گلیب هوسله بیر سؤز قوراییب؛
بیلمیر دئیه بیر کیمسه او جور کی دوزه‌لیب.

□□□
کس مشکل اسرار ازل را نگشاد؛
کس یک قدم از نهاد بیرون ننهاد.
چون بنگری، از مبتدی و از استاد،
عجز است به دست هر که از مادر زاد.

□□□

 ایلکینجه گیزی اولمادی بیر کیمسه آچان؛
اولماز کی بیر آددیم یارانیشدان دا قاچان.
باخسان اگر، اؤیره‌نن‌دن، اؤیره‌تمنه‌دک،
کیمسه؛ باجاریق‌سیزدی دوغولدوقجا هاچان.

□□□
آن کس که زمین و چرخ و افلاک نهاد،
بس داغ که او بر دل غمناک نهاد.
بسیار لب چو لعل و زلفین چو مشک،
در طبل زمین و حقه‌ی خاک نهاد.
 او کی یارادیب یئری – گؤیو ترپتدی،
غملی اوره‌یه داغ چکیب او تیترتدی.
چوخ دا دوداغی آل، قارا ساچلی گؤزه‌لی،
سوخدو قارا تورپاق آلتینا گیزلتدی.
ادامه نوشته
+ نوشته شده در چهارشنبه ۱۳ اردیبهشت ۱۳۹۱ ساعت 19:0 توسط سید رضا بنی‌فاطمه (داغلی)  | 

خییام‌دان چئویرمه‌لر

دهقانِ قضا بسی چو ما کِشت و درود؛
غم خوردن بیهوده نمی‌دارد سود.
پُر کُن قدح می، به کفم در نِه، زود؛
تا باز خورم؛ که بودنی‌ها همه بود.

□□□

 اکدی چوخونو بیز کیمی دوران بیچدی؛
بیهوده غمی یئمک ضرردی، هئچدی.
دولدور مئی ایله جامی یئتیر تئز الیمه،
تا بیر ده ایچیم؛ اولدو اولان‌لار، کئچدی.

□□□
این عقل که در رهِ سعادت پوید،
روزی صد بار خود تو را می‌گوید:
دریاب تو این یک دمه وقتت! که نه‌ای
آن ترّه که بدروند و دیگر روید.

□□□

 بو عقل اؤزو آختاریر سئوینجین یولونو،
گونده سنه سؤیله‌ییر سؤزون ده بولونو:
بیل قدرینی واختیوین، دئییلسن کی تره،
تزدن جوجه‌ریب چیخا، کسنده خولونو.

□□□
جامی است که عقل، آفرین می‌زندش؛
صد بوسه ز مِهر بر جبین می‌زندش.
این کوزه‌گرِ دهر چنین جام لطیف،
می‌سازد و باز بر زمین می‌زندش. 		بیر جام کی؛ عاغیل آلقیشینی وورور باشا،
یوز یول اؤپور آلنیندان ائدیر ده تاماشا.
بو کوزه یاپان فلک بئله اینجه جامی،
اوول‌ده یاپیر، سونرا دؤنوب چالیر داشا.
ادامه نوشته
+ نوشته شده در پنجشنبه ۲۴ فروردین ۱۳۹۱ ساعت 18:54 توسط سید رضا بنی‌فاطمه (داغلی)  | 

یامان گون آدامی

هر سؤزون، اؤز یئری وار
دوستوم!
یئرینده سؤزومو حاخلا
یامان دوستو
یاخشی گونده گؤر
یاخشی دوستو
یامان گونه
            ساخلا.
داغلی
+ نوشته شده در پنجشنبه ۲۴ فروردین ۱۳۹۱ ساعت 0:18 توسط سید رضا بنی‌فاطمه (داغلی)  | 

آنامین دیلی

«داغلارین لالاسی
بالامین بالاسی»
دئییب؛
            ناز سپیر
            بالامین بویونا
            آنام.
منیم یاناغیمدا
            سرخوشلوق آلماسی بیتیر.
قوربان اولوم
            آنامین شیرین دیلینه.
داغلی
+ نوشته شده در پنجشنبه ۲۴ فروردین ۱۳۹۱ ساعت 0:18 توسط سید رضا بنی‌فاطمه (داغلی)  | 

مین دردی

دئدی:
            میندیرمه بوینووا دردی
            مین دردی!
            گولدوم!
دئدی:
            «آغلایانین بیر دردی وار
            گولنین مین دردی»
داغلی
+ نوشته شده در پنجشنبه ۲۴ فروردین ۱۳۹۱ ساعت 0:17 توسط سید رضا بنی‌فاطمه (داغلی)  | 

باغریم

درین باغریم، دایاز باغریم
آخیر قانلی آراز، باغریم
سویو قان، قیبله‌سی غئیرت
قیلیر حسرتناماز باغریم

□□□

چاغی چیلغین قودوزلانمیش
گؤز گؤز یاراسی دوزلانمیش
یازی کؤکده‌ن پاییزلانمیش
چالیر قیش بویلو ساز، باغریم

□□□

قفسده چیرپینان قوشدی
گؤزی یولدا، غمه توشدی
اولار بیر گون قفس بوشدی
اوچوب، غوربت آواز باغریم
داغلی
+ نوشته شده در پنجشنبه ۲۴ فروردین ۱۳۹۱ ساعت 0:15 توسط سید رضا بنی‌فاطمه (داغلی)  | 

ایل کئچدی

بیر تقویم عؤمور واراقلادیم ایل کئچدی
ایل ده نه دئییم کی قارا نیسگیل کئچدی
بیر ایل ده اؤزومده دوستاق اولدوم ائللر
دیلدن یارالاندیم، یاراما دیل کئچدی
داغلی
+ نوشته شده در پنجشنبه ۲۴ فروردین ۱۳۹۱ ساعت 0:14 توسط سید رضا بنی‌فاطمه (داغلی)  | 

آجی گولوش

بیلمک گوناه ساییلاندا
بیلمیرم ده – بیلیرم ده
حسرتیمی شئعیریم ایله
بؤلمورم ده – بؤلورم ده.

□□□

شاعیره زامانی قودوز
یاییندا کؤز – قیشیندا بوز
اؤلوم یئر آلمادان اوجوز
نفس-نفس اؤلورم ده.

□□□

حیاتیمی دیغلاییرام
یاراما دوز باغلاییرام
شیرین-شیرین آغلاییرام
آجی-آجی گولورم ده.
داغلی
+ نوشته شده در پنجشنبه ۲۴ فروردین ۱۳۹۱ ساعت 0:12 توسط سید رضا بنی‌فاطمه (داغلی)  | 
مطالب قدیمی‌تر