بولود

سوسوزام، یانقی‌یام بیر دامجی دامیز

دولانما خیال سیز هاوادا بولود

دیل‌لندیر چمنی، دیل‌لندیر چایی

توختاسین کونلومده یارادا بولود

گوناه‌سیر بیر قادین اؤزون اوتلادی

اؤزو محکوم اولدو آرادا، بولود

آلیب گوزه‌لرین باشین قارا دِوو

دوئوشوب یورولوب سارادا بولود

آختار کیلیدین تاپ حاق قاپیسی‌نین

اینسانلیق قویلانیر پارادا بولود

حقیقت دالدادا بئله باتیر کی

داها باشی چاتمیر دارادا بولود

«دنیز» ساز گوتور اله سیزلییا

دردلری سیغمادی تارا دا بولود

شاعیر: شریفه جعفری