اشعار ترکی آذری و فارسی

اشعار ترکی آذری و فارسی

مئی ساتانلار کوچه‌سی- تورکی و فارسیجا شعرلر
اشعار ترکی آذری و فارسی

اشعار ترکی آذری و فارسی

مئی ساتانلار کوچه‌سی- تورکی و فارسیجا شعرلر

خئیمه‌لر تالاندێ گره‌ک نئیلییه زینب

خئیمه‌لر تالاندێ گره‌ک نئیلییه زینب

قوشۇن خئیمییه دولدۇ گره‌ک نئیلییه زینب

قاچیر تلّیده دردین حسینه دییه زینب

    

گلیر آتلی پیاده خیام اوستونه بیر باش

آتین شئیهه‌سینده‌ن دۆشۆب لرزه‌یه داغ داش

غَرض تلّه یئتیشدی آیاق یالێن آچێق باش

حسین‌ین گره‌ک اوْردا دۇرۇب سسلییه زینب

   

یۆزۆن مقتله دۇتدۇ اوْ بانوی-ی-گرامی

هارایێنا چاغێردێ نئچه دفعه امامی

حسین هاردا قالێبسان داغێتدێلا خیامی

قَیید خئیمییه قوْیما گله لئشگه‌ر-ی-شامی

کیمی وار گئدیب اوْندان کؤمک ایستییه زینب

   

باجێ صوتینی قارداش چتین حالیده آلدێ

چێخێب یاره‌سی یاددان سراسیمه اۇجالدێ

ایکی اللری اۆسته خدایا نئجه قالدێ

یۆزۆ اۆسته سۆرۆندۆ اؤزۆن مقتله سالدێ

حسین‌ین اوْ زامانێن گؤرۆب اؤلمه‌یه زینب

  

یۆزۆن لئشگه‌ره دۇتدۇ الین قالخێزێب اوْل شاه

بۇیۇردۇ بۇ سؤزۆمده‌ن منیم سیز اوْلۇن آگاه

عرب رسمینه رفتار ائدین لئشگه‌ر-ی-گمراه

منی اؤلدۆرۆن اوّل، قالێر خئیمه‌-وْ-خرگاه

مگر درد ایله دردی دوام ائیلییه زینب

    

دۇرۇب تلّیده زینب باخێر گؤزلری یاشدێ

گؤرۆب بیرده‌ن اوْ خاتۇن هیاهو اۇجالاشدێ

حصار اوْلدۇ چۇخۇر یئر یاغان نئیزه دی داشدێ

اوْ تلّی نئجه اندی، نئجه مقتله قاشدێ

گلیب بی‌کس حسینه کؤمک ائیلییه زینب

   

دئدی لئشگه‌ره یوْخدۇر مگر سیزده مسلمان

نییه یاره وۇرۇرسۇز، گؤرۆرسۆز کی وئریر جان

هوا ایستی قۇم اۆستۆ همی آج همی عطشان

کؤمک یوْخ یارا سایسێز ائدیب غش آپارێب قان

قوْیۇن باری آپارسێن بۇنۇ خئیمییه زینب

   

حسین خئمییه گئتسین عجب قوْیدۇلار ایداد

گؤرۆب زینب-ی-عُلیا قوْلۇن چێمرادێ جللاد

یۆزۆن قاتله دۇتدۇ دئدی ای ائوی بر باد

اَوَل گل منی اؤلدۆر اوْلۇم غۆصصه‌ده‌ن آزاد

حسینی قێلێج آلتدا باخێب گؤرمییه زینب

    

بۇ یاره ایله ساغالماز اۇچۇب روحی هاچاندێر

نفَس تنگه دۆشۆبدۆ قالان بیر قۇرۇ جاندێر

یێخێبسان یۆزۆ اۆسته دالی اۆسته دوْلاندێر

بیر آز صبر ائله ظالم الون ساخلا اماندێر

دوْلاندێرسێن اقلاً یۆزۆن قبلییه زینب

    

ائدیب هلهَله اعراب، قیام ائتدی قیامت

چێخێب خئیمه‌سرادن بیر عدّه خانێم عورت

یانێندا بالا قێزلار اَنیب تلّی اوْ ساعت

گؤرۆبله‌ر قوْشۇن ائیله‌ر حسین قتلینه سرعت

ائدیب قاتیله حمله دفاع ائیلییه زینب

شاعر: استاد منزوی

نظرات 3 + ارسال نظر
علی کریمی -زنگانلی 5 دی 1390 ساعت 11:09

عزیزقارداش سیزی بوردان سالاملیرام وجان ساغلیغی آرزولاییرام چوخ گوزل وحضرت زینبه یاراشیغلی بیرشعربوصحیفه یه قویموشیزاللاه سیزه اجرعنایت ایله سین دوغورداندابیرگوزل اثریدی اللاه منزویه ده رحمت ایله سین .

عیسی شاهرخی 4 بهمن 1390 ساعت 11:47

با سلام بنده اصاتا آذربایجانی هستم اما مدتی است در یکی از کشور های همسایه مشغول کارم. عاشق نوحه و شعر هستم. ضمن تشکر از شما لطفا از اشعار شاعر مرندی آقای نصیری نیز بگذارید و در صورت امکان ایشان را برای ما معرفی کنید. بنده یک شعر از ایشان در اینترنت دیدم مطمئنم اگر اشعار دیگری دارند بسیار سوزناک و با مفهوم هستند. از شاعران گمنام استفاده کنید
اجرتان با حسین

آتیلا-زنگاندان 27 آذر 1391 ساعت 10:11

سلام بهزاد بی
سایتیندا قویدوغون شعرلر اوره یه یاتان بیر شعرلردیلر. اللرین آغریماسین. آنجاق غارت خیام شعری(قوشون خیمه یه دولدو گرک نئیلییه زینب قاچیر تللیده دردین حوسئینه دییه زینب) اوستاد منزوی دن دئییل. او رحمتلیک موختار نخستین ین شعری دیر. صحنه عاشورا کیتابیندا.
ساغ اولون

برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد